चोपडा (प्रतिनिधी) : आपल्या कुटुंबाचा उदरनिर्वाह करण्यासाठी दिवसभर रस्त्यावर उन्हात व पावसात बसून भाजीपाला तसेच विविध किरकोळ वस्तूंची विक्री करणाऱ्या विक्रेत्यांना अनेक अडचणींचा सामना करावा लागतो. त्यांची ही समस्या लक्षात घेऊन रोटरी क्लब ऑफ चोपडातर्फे शहरातील विविध भागांतील गरजू विक्रेत्यांना मोफत छत्र्यांचे वितरण करण्आले.या उपक्रमाचे प्रकल्प प्रमुख रोटे. आरिफ शेख यांच्या मार्गदर्शनाखाली रोटरी क्लबच्या सदस्यांनी छत्रपती शिवाजी महाराज चौक, डॉ. बाबासाहेब आंबेडकर पुतळा परिसर, आझाद चौक, चिंच चौक, मेन रोड, मच्छी बाजार आदी ठिकाणी जाऊन विक्रेत्यांन छत्र्यांचवाटप केले.
यावेळी रोटरी डिस्ट्रिक्ट ३०३० चे अतिरिक्त सचिव नितीन अहिरराव, सहसचिव आशिष जयस्वाल, सदस्य चेतन टाटिया, गौरव महाले, विश्वास दलाल, वसंत नागपुरे, विपुल छाजेड तसेच क्लबचे अध्यक्ष संजय बारी उपस्थित होते.
छत्री वाटप करताना विक्रेत्यांनी आपल्यामुळे रहदारीला कोणताही अडथळा निर्माण होणार नाही याची काळजी घ्यावी, असे आवाहन क्लब सदस्यांनी केले. तसेच या मदतीमुळे ऊन व पावसाचा त्रास कमी होऊन दैनंदिन व्यवसाय अधिक सुलभ होईल, अशी भावना विक्रेत्यांनी व्यक्त केली.
✍🏻मुख्य संपादक – विनायक जगन्नाथ पाटील
